Antonio do Nicho
Viño artesán
Antonio do Nicho é un viño artesán, feito á man na finca "A Mingona”
Mencía e Garnacha, vinificadas por separado.
Un viño feito na viña, coidando acio a acio.
Sen herbicidas, insecticidas nin pesticidas.
Maceración en frío, fermentación espontánea coas propias levaduras da uva
e trasegas polo seu propio peso, sen bombas.
Só se filtra para o embotellado, dose mínima de sulfuroso.
Estabilización natural polo propio frío da adega no inverno, polo que pode conter residuos.
Despois do embotellado, almacénase sempre á mesma temperatura.
Non buscamos sabor nin cantidade, facemos o que cada ano nos dá A Mingona, así de natural.
Ubicación A Mingona (Sureste) - Altitude: 430 metros - Pendente: 50% - Solo: Granítico
Fotos: Lucía Cereijo Fotografía
- A nosa maneira de facer as cousas -
A terra que nos viu nacer non merece un futuro incerto, e nós temos que ser capaces de poñer o noso pequeno gran de area. Este é un proxecto moi cativo pero cheo de ilusión e gañas de traballar no entorno que máis nos gusta.
É difícil facer viño nestas terras, pero é fermoso ter diante este reto i esta paisaxe que anima a conservala.
Utilizamos abono orgánico, sen herbicidas, pesticidas nin insecticidas.
Cando os acios xa son grandes, deixamos a desbrozadora e limpamos co fouciño para non danalos.
Deste xeito, a Mingona está sana, e o rural non morre!
